Ndeshja mes Francës dhe Izraelit u ndoq nga numri më i vogël i shikuesve në historinë e “Gjelave”

10:48 | 15 Nëntor 2024
K.B

Ndeshja e Ligës së Kombeve mes Francës dhe Izraelit (0-0) është ndjekur nga numri më i vogël i shikuesve në historinë e skuadrës franceze kur bëhet fjalë për ndeshjet e zhvilluara në stadiumin Saint-Denis të Parisit.

Kjo situatë shpjegohet me kontekstin e tensionuar gjeopolitik dhe masat e shtuara të sigurisë që mbizotëruan, por edhe me paraqitjet e dobëta të kombëtares franceze në kohët e fundit.

Për shkak të kësaj, vetëm 16.611 shikues ishin të pranishëm në tribuna. Kjo është frekuentimi më i keq në historinë e “Gjelave” në Stade de France, i cili ka një kapacitet prej 80,698 vendesh dhe ku nuk luajtën për 514 ditë (1-0 kundër Greqisë më 19 qershor 2023).

Rekordi i mëparshëm negativ në ‘Saint-Denis’ ishte 36,842 kundër Zelandës së Re më 22 qershor 2003 në Kupën e Konfederatave.

Është bërë e ditur se humbjet e francezëve për shpenzimet e organizimit të ndeshjes do të jenë 3.5 milionë euro, para që do të ndahen nga Federata Franceze e Futbollit (FFF). /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm